La fiaba: L’ izola di Sentimént e dil Virtù
Una bella storia sui valori veri della vita
Adattamento testo: Andrea Mondini
Traduzione dialettale: Giuseppe Mezzadri
Da una ricerca di Giorgio Capelli e tratto da pausacaffeblog.it
L’ izola di Sentimént e dil Virtù
A gh’ éra ’na volta una izola indòvva i vivèvon insèmma tutt i Sentimént e il Virtù, cme la Tristèssa, la Conosénsa, l’Egoizom o l’ Amór.
Un gióron l’ à tirè un teremot grand bombèn e al Gvärnatór l’ à vizè tutti che l’ izola da li a poch la sarìss sprofondӓda in mӓr e che bisognӓva tajӓr la corda al prìmma posibbil! Tutt j’ àn preparè in fagotón la so bӓrca e j én partì par mèttros in sälov. Sól al sentiment ädl’ Amór l’ a volsù aspetӓr l’ ultom moment par lasӓrla, mo cuànd la visst ch’ l’ a tacӓva a andӓr zo dabón, al s’ è miss a ciamӓr aiut.
Miga tant lontàn a gh’ èra la Richessa insimma a ’na gran bӓrca ӓd luss ch’ l’ à guàrdӓva sté tragedja con un bjanchén in man. Amór l’ a zbrajè: “Richessa, par piàzér, vén m’ a tór, portom via con ti ch’ a sὀn adrè a andӓr sott’ acqua!”
Mo cossta l’ à rispost: “A m’ dispiӓz, mo a n’ poss miga gnir a tórot su: a gh’ ò la bӓrca pién’na d’or e d’ argént e äd post par ti al ne gh’ n’ é miga!”
In coll momént lì l’ èra adrè pasär l’ Orgój insimma al so motoscàf:
“Orgòj, vénom a salvӓr ch’ a sὀn in rizgh ӓd fogӓr!”
La so béla risposta l’ è städa: “A m’ dispiӓz, mo a n’ poss miga därot ’na man: chi insìmma l’ è tutt acsì parfét e nett ch’ a risciarìss ӓd mandär in arvén’na zo tutt! Strigotla da ti!”
Amór, sémpor pù disprè, al s’ è miss a ciamӓr la Tristèssa ch’ l’ éra sóra a un barcón:
“Par caritè, vénom a tór su, lasom gnìr con ti!”
“No Amór, a n’ poss pròpja miga parchè a sὀn acsì trista e zò ӓd morӓl ch’ à m’ tocca ’d stӓr da mi, e an voj nisón azvén! Prova a catӓr un’ ӓtor!”
L’ Egoizom l’ èra imsimma a ’na béla bӓrca, ӓd còlli in do a ne gh’ manca gnént: “Fam montär su, vèdott miga ch’ a són adrè fogӓr?”
Mo l’ Egoizom al gh’ à rispost:
“A t’ al sè che mi e ti an sèmma mӓi andè d’ acordi bombén! E po mi a n’ vój miga di rompascatli azvén! Fa coj to fér, e noda, s’ at sì bón!” e bziand al s’ n’ è andè via.
In-t-al medézim temp anca Bón Umór al pasӓva la dintórna, mo l’ éra acsì contént e acsì agitè e in fréga ch’ al ’n à miga sentì i so sigamént.
Mo tutt in-t-un picc’ Amór l’ à dè a ménta a la vóza d’ un véc’ ch’ al la consoläva e ch’ al ghe dzäva:
“Amór, su, dagh adrè, vén con mi: la me bӓrca l’ è vécia bombén e anca miga tant robussta, mo a gh’ pensi mi a cavarot d’ in-t-il pettli!” e al l’ à miss in sälov.
Dop averogh fat un bochén da riddor e ’na carèssa, al s’ n’ è andè via subitt, sénsa dir njént.
Amór l’ éra acsì giojóz e contént ch’ a gh’ éra andè zo d’ ménta ӓd ringrasjär e dmandӓr chi l’ éra coll véc’ ch’ al l’ äva salvè. Mo po l’ à capì tutt’ in-t-un picc’ ch’ l’ éra in-t-un gran débit ӓd riconosénsa: za ch’ al né gh’ éra pu, l’ à dmàndè a la Conosénsa, al Savér Antigh:
“Ti ch’ a t’ sè tutt e a t’ conoss tutt ӓd j òmmi, a m’ podrìsot dir chi l’ éra col véc’ acsì generóz ch’ al m’ à fat portär a ca la ghirba?”
La Conosénsa la gh’ à rispost:
“Amór, col véc’ li al sé ciama… Témp! Témp!”
“Témp? Mo parchè mӓi al Témp al m’ à dè ’na man cuand tutt ch’ j ätor i n’ àn fat njént par mi?”
La Conosénsa la gh’ fa un gran sorriz e po l’ à ditt:
“Al Témp! Sól al Témp lé bón ӓd capir cuant l’ é important l’ Amὀr par la vitta ӓdj òmmi!”
Voci di Giorgio Capelli, Antonella Ferrari, Annalisa Pirondi, Aldo Pesce e Franca Bodria, accento di Parma città, Marina Padovani, Pietro Vitali e Giancarlo Flocco accento di Parma Oltretorrente
L’Isola dei Sentimenti e delle Virtù
C’era una volta un’isola dove vivevano insieme tutti i Sentimenti e le Virtù, come la Tristezza, la Conoscenza, l’Egoismo o l’Amore.
Un giorno capitò un terremoto molto grande e il Governatore avvisò tutti che l’isola da lì a poco sarebbe sprofondata in mare e che bisognava scappare il prima possibile! Tutti prepararono in fretta e furia la loro barca e partirono per mettersi in salvo. Solo il sentimento dell’Amore volle aspettare l’ultimo momento per abbandonarla, ma quando vide che cominciava a scendere davvero, si mise a chiamare aiuto.
Non molto lontano c’era la Ricchezza sopra una gran barca di lusso che guardava questa tragedia con un bicchiere di vino bianco in mano. Amore urlò: “Ricchezza, per piacere, vieni a prendermi, portami via con te che sto per andare sott’acqua!”
Ma questa rispose: “MI dispiace, ma non posso venirti a prenderti: ho la barca piena d’oro e d’argento e di posto per te non ce né!”
In quel momento stava passando l’Orgoglio sul suo motoscafo:
“Orgoglio, vienimi a salvare che sto rischiando di affogare!”
La sua bella risposta fu: “Mi dispiace, ma non posso aiutarti: qui sopra è tutto così perfetto e pulito che rischierei di rovinare tutto! Arrangiati!”
Amore, sempre più disperato, si mise a chiamare la Tristezza che era sopra un barcone:
“Per carità, vieni a prendere, lasciami venire con te!”
“No Amore, non posso proprio perché sono così triste e giù di morale che devo stare da sola, e non voglio nessuno vicino! Prova a trovare un altro!”
“L’Egoismo era sopra una bella barca, di quelle dove non manca nulla: “Fammi salire, non vedi che sto affogando?”
Ma l’Egoismo gli rispose:
“Lo sai che io e te non siamo mai andati molto d’accordo! E poi non voglio rompiscatole vicino! Arrangiati, e nuota, se sei capace!” e se ne andò velocemente.
In quel momento anche Buon Umore passava nei paraggi, ma era così contento e così agitato e in fregola che non udì le sue grida.
Ma all’improvviso Amore udì la voce di un vecchio che lo consolava e che gli diceva:
“Amore, su, sbrigati, vieni con me: la mia barca è molto vecchia e anche non tanto robusta, ma ci penso io a toglierti dalle difficoltà!” e lo mise in salvo.
Dopo avergli fatto un sorriso e una carezza, se ne andò via subito, senza dir niente.
Amore era così contento e felice che si era dimenticato di ringraziare e chiedere chi era quel vecchio che l’aveva salvato. Ma poi capì che era in gran debito di riconoscenza: poiché non c’era più, chiese alla Conoscenza, il Sapere Antico:
“Tu che sai tutto e conosci tutto degli uomini, potresti dirmi che era quel vecchio così generoso che mi ha salvato la vita?”
La Conoscenza gli rispose:
“Amore, quel vecchio si chiama… Tempo! Tempo!”
“Tempo? Ma perché mai il Tempo mi ha aiutato quando tutti gli altri non hanno fatto nulla per me?”
La Conoscenza gli fece un gran sorriso e poi disse:
“Il Tempo! Solamente il Tempo è in grado di capire quanto è importante l’ Amore per la vita degli uomini!”