La fiaba: La volpa e l’uvva
Questa celeberrima favola, attribuita ad Esopo, è stata ripresa molte volte nei secoli, diventando quasi un proverbio: fare come la volpe con l'uva, reagire a una sconfitta sostenendo di non aver mai desiderato la vittoria.
Adattamento testo: Andrea Mondini
Traduzione dialettale: Giuseppe Mezzadri
La volpa e l’uvva
A gh’éra ’na volta ’na vólpa furba bombén bombén e anca afamäda da zgarbè.
La gh’äva ’na nomina täla che tutt il béstji j éron scapädi dal bosch indo’ la stäva le, dala paura d’ ésor magnädi.
Ala fén, la vólpa la s’ éra catäda sénsa pu gnént da mettor sotta aj dént. La béstja, paräda su dala fama, l’äva abandonè al bosch e l’è stè acsì ch’la s’è catäda in-t-’na viggna.
Daj vidarój ’d vida a spincajäva zo di grap d’uvva béj gros: i gran j éron dóls e pién äd sugh e i gh’ ävon ’n aspét delisjóz.
Acsì, la vólpa la s’è alväda sóra aj sanfi dardè par brancär un cuälch grap: mo la n’éra miga älta abasta e la ne gh’la caväva gnan a bézjär i gran.
Dopa socuant téntativ, la vólpa la ciapè la scórsa par sarcär äd brancär l’uvva con un sält: anca stavolta, però, la n’ gh’l’à miga caväda.
Za che tutt datórna a le a s’ éra adrè muciär un nuvvol äd béstji curjózi, la vólpa, par ne fär miga ’na brutta figura, la s’ n’é andäda via a pét gónfi, dzénd a voza älta:
“Mmm, a vagh via! Za tant, ch’l’uvva chì l’è ancorra azärba!”
De spess il parsónni i screditon
coll chi ’n polón miga avér
Voci di Cesare Qintavalla e Maura Moroni accento di Parma Ccittà
La volpe e l’uva
C’era una volta una volpe molto molto o furba e affamatissima.
La sua nomèa era tale che tutti gli animali erano fuggiti dal bosco in cui abitava, per paura di essere mangiati.
Alla fine, la volpe si era trovata senza più nulla da mettere sotto i denti. L’animale, spinto dalla fame, aveva abbandonato il bosco e fu così che si ritrovò in un vigneto.
Dai tralci di vite penzolavano dei grossi grappoli d’uva: gli acini erano dolci e succosi e avevano un aspetto delizioso.
Così, la volpe si sollevò sulle zampe posteriori per afferrare qualche grappolo; tuttavia, non era alta a sufficienza e non riusciva nemmeno a sfiorare gli acini.
Dopo qualche tentativo, la volpe prese la rincorsa per cercare di afferrare l’uva con un salto: anche questa volta, però, non ci riuscì.
Poiché tutt’intorno a lei si stava radunando una folla di animali curiosi, la volpe, per non fare brutta figura, se ne andò col petto gonfio, esclamando ad alta voce:
“Mmm, vado via! Tanto, quest’uva è ancora acerba!”
Spesso, le persone denigrano
ciò che non riescono ad avere