Poeti e Poesie:
Povra béla Pärma
di Sergio Manghi
2011: l'anno dello scandalo che ha provocato la caduta del Sindaco e della Giunta del Comune di Parma.
Sergio Manghi, Zvolàss, Battei 2017
Povra béla Pärma
Dizgrasja a cla citè che ’na matén’na,
con la rozäda ancorra in-t-i cavì,
la s’ dezda con l’armör äd la cadén’na
da l’insonni dorè ch’ l’ äva imbastì.
E do volti dizgrasja a ch’ la citè
che invéci ’d mett’r in pjasa i bagolón,
con tutt du j oc’ avert, ben sbaratè,
la n’ pénsa che a ronfär, voltär galon.
Mo tre volti dizgrasja, ansi tarsént,
a cla citè che con la gòggna in pjasa
la s’ credda ’d liberèros dal tormént
sénsa che ’n ät’r insonni in cór a nasa,
’n insonni bél, pasjént mo voladór,
äd cojj ch’a t’ fa sintìr un pas pu inà
che ’l fracàs äd cadén’ni e ’d bali d’òr.
Però chisà, se Pärma l’a gh’ cardrà…
Recitata da Paride Mori, accento di Coenzo
Povera bella Parma
Disgrazia alla città che una mattina,
con la rugiada ancora tra i capelli,
si sveglia col rumore della catena
dal sogno d’oro che aveva imbastito.
E due volte disgrazia alla città
che invece di mettere in piazza i bagoloni
con tutt’e due gli occhi aperti, ben spalancati,
non pensa che a ronfare, cambiar fianco.
Ma tre volte disgrazia, anzi trecento,
alla città che con la gogna in piazza
crede di liberarsi dal tormento
senza che un altro sogno in cuore nasca,
un sogno bello, paziente ma rapinoso,
di quelli che ti fan sentire un passo più in là
del fracasso di catene e di balle d’oro.
Però chissà, se Parma ci crederà…